Upassung vum Unterrecht, Begleedung vu Schüler mat spezifesche Besoinen, Ariichte vun engem speziellen Dispositif: Zil vum Lëtzebuerger Educatiounssystem ass et, d’Diversitéit vu jiddwerengem ze berécksiichtegen an d’Schoul un déi spezifesch Besoine vun all Schüler unzepassen. Op déi Manéier soll de Schüler erméiglecht ginn, hir Schoulausbildung an hirer Klass an der Grondschoul oder am Lycée fortzesetzen, wa sou eng Inklusioun méiglech ass a vum Schüler a vun den Eltere gewënscht gëtt.
D’Grondschoul bitt spezifesch Hëllefsmoossnamen. Entwécklungs- a Léieratelieren, Ënnerstëtzung an der Klass, et gi vill Dispositioune getraff an ëmgesat.
Wa Lycéesschüler spezifesch Besoinen hunn, kënnen hinne verschidde Moossnamen ugebuede ginn: Upassung vum Unterrecht, räsonabel Amenagementer a villes méi …
D’spezialiséiert psychopedagogesch Kompetenzzentre (Centres de compétences en psycho-pédagogie spécialisée) riichte sech u Schüler mat spezifesche Besoinen an hir Elteren, déi zousätzlech zu de Moossnamen, déi an der Schoul ugebuede ginn, op spezialiséiert Prestatiounen zeréckgräife wëllen.
