You need to enable JavaScript in order to use the AI chatbot tool powered by ChatBot D’Grondschoul – Inclusion scolaire
Gitt op d'Navigatioun Gitt op Inhalt
Schlësselzuelen

Wat fir Moossname ginn et?

Et gi verschidde Moossname fir Schüler mat spezifesche Besoinen.

Aner Moossnamen

Zousätzlech zu dëse Moossnamen, ginn et verschidde Moossnamen, déi vun engem spezialiséierte psychopedagogesche Kompetenzzentrum ugebuede ginn. Dobäi kann et sech ëm follgend Moossnamen handelen:

  • eng spezialiséiert ambulant Interventioun (ISA)
  • eng Reeducatiouns- an Therapiemoossnam
  • d’Aschreiwung an en Atelier fir spezifescht Léieren
  • eng spezialiséiert Scolariséierung

D’Kompetenzzentren

Wie kann e Schüler mat spezifesche Besoine betreien?

Déi éischt Uspriechpartner fir de Schüler a seng Eltere sinn den Titulaire vun der Klass an déi aner Membere vun der pedagogescher Ekipp (Enseignanten a pedagogescht Personal).

Et ginn nach aner Persounen, déi dofir do sinn, fir no Récksprooch mam Schüler a sengen Elteren en adequate Suivi vum betraffene Schüler ëmzesetzen.

D’Enseignantë fir Schüler mat spezifesche Besoinen (I-EBS)

D’I-EBSe kënnen an der Schoul Schüler mat Léierschwieregkeeten oder sozio-emotionale Besoine betreien. Si kënnen deene betraffene Schüler an hirer Klass zur Säit stoen a schaffen enk mat der pedagogescher Ekipp, de Membere vun der ESEB an de spezialiséierte psychopedagogesche Kompetenzzentren zesummen.

D’Assistente fir Schüler mat spezifesche Besoinen (A-EBS)

D’A-EBSen ënnerstëtzen d’I-EBSe bei hiren Aufgaben. Si kënnen de betraffene Schüler bei alldeegleche Gesten hëllefen an esou dozou bäidroen, datt d’Schüler op alle méigleche Plazen u schouleschen Aktivitéiten deelhuele kënnen.

D’Ekipp fir d’Ënnerstëtzung vu Schüler mat spezifesche Besoinen (ESEB)

An de 15 regionale Grondschouldirektioune gëtt et jeeweils eng ESEB. D’Membere vun der ESEB ënnerstëtzen d’Schüler mam Zil, hiert Wuelbefannen, hir Autonomie, hir perséinlech Entfalung an hir Bedeelegung um schoulesche Liewen ze fërderen. Si beroden d’Elteren an d’Enseignanten a kënne selwer d’Betreiung vun de Schüler mat spezifesche Besoinen a Form vun enger Ënnerstëtzung an der Klass assuréieren.

Op Ufro vun der Inklusiounskommissioun (CI) kënne si eng Diagnos erstellen, déi ënner Berücksichtegung vun de Bäiträg vun ...

D’Inklusiounskommissiounen (CI)

D’Inklusiounskommissiounen (CI) vun de regionale Grondschouldirektiounen hunn als Aufgab, d’Elteren iwwer déi verschidde Betreiungsmoossnamen, déi ze empfeele sinn, ze informéieren an deemno wéi déi gëeegent Moossname festzeleeën, déi dem Schüler ugebuede kënne ginn. Dës Moossname ginn dann am Schüler sengem individualiséierte Betreiungsplang, dee vun der CI zesumme mat den Elteren ugeholl gëtt, festgehalen. D’CI suergt fir d’Ëmsetzung vum individualiséierte Betreiungsplang an evaluéiert en all Joer, fir d’Upassunge virzehuelen, déi als néideg ugesi ginn, fir de ...

D’Commission nationale d’inclusion (CNI)

Zousätzlech zu de Moossnamen, déi an de Schoulen ëmgesat kënne ginn, kann d’CNI domat befaasst ginn, eng spezialiséiert ambulant Interventioun (ISA), eng spezialiséiert Scolarisatioun, eng Reeducatiouns- an Therapiemoossnam oder Ateliere fir spezifescht Léiere vun engem spezialiséierte psychopedagogesche Kompetenzzentrum ariichten ze loossen. Wann dem Schüler seng spezifesch Besoinen eng Fachbetreiung erfuerderen, déi net vun engem vun de Kompetenzzentren iwwerholl ka ginn, kann d’CNI d’Aschreiwung an enger Schoul am Ausland virschloen.

D’Inklusiounskommissiounen, d’Institutiounen, déi am sozialen, familiären ...

U wie kann ee sech wenden?

Fir méi spezifesch Informatiounen iwwer déi disponibel Hëllefsmoossnamen ze kréien, kënnt Dir Iech u follgend Persounen oder Servicer wenden :

D’Titulairë vun der Klass an déi aner Enseignanten aus der Schoul
Den Enseignant fir Schüler mat spezifesche Besoinen (I-EBS) aus der Schoul
D’Ekipp fir d’Ënnerstëtzung vu Schüler mat spezifesche Besoinen (ESEB) vun der Regionaldirektioun
D’Inklusiounskommissioun (CI) vun der Regionaldirektioun

Kaart

D’regional Grondschouldirektioun

Kaart

 

De Service national de l’éducation inclusive (SNEI)

Kontaktformulaire