You need to enable JavaScript in order to use the AI chatbot tool powered by ChatBot Secondaire – Inclusion scolaire
Gitt op d'Navigatioun Gitt op Inhalt
Schlësselzuelen

Wat fir Moossname ginn et?

Et gi verschidde Moossname fir Schüler mat spezifesche Besoinen.

Aner Moossnamen

Zousätzlech zu dëse Moossnamen, ginn et verschidde Moossnamen, déi vun engem spezialiséierte psychopedagogesche Kompetenzzentrum ugebuede ginn. Dobäi kann et sech ëm follgend Moossnamen handelen:

  • eng spezialiséiert ambulant Interventioun (ISA)
  • eng Reeducatiouns- an Therapiemoossnam
  • d’Aschreiwung an en Atelier fir spezifescht Léieren
  • eng spezialiséiert Scolariséierung

D’Kompetenzzentren

Wie kann e Schüler mat spezifesche Besoine betreien?

Déi éischt Uspriechpartner vum Schüler a sengen Eltere sinn de Regent an d’Enseignantë vun der Klass.

Et ginn nach aner Persounen, déi dofir do sinn, fir no Récksprooch mam Schüler a sengen Elteren en adequate Suivi vum betraffene Schüler ëmzesetzen.

D’Ekippe fir d’Ënnerstëtzung vu Schüler mat spezifesche Besoinen (ESEB)

An all Lycée gëtt et eng Ekipp fir d’Ënnerstëtzung vu Schüler mat spezifesche Besoinen (ESEB). D’Membere vun der ESEB ënnerstëtzen d’Schüler mam Zil, hiert Wuelbefannen, hir Autonomie, hir perséinlech Entfalung an hir Bedeelegung um schoulesche Liewen ze fërderen. Si beroden d’Elteren an d’Enseignanten a kënne selwer eng Betreiung vun de Schüler mat spezifesche Besoinen assuréieren.

Op Ufro vun der Inklusiounskommissioun (CI) kënne si eng Diagnos erstellen, déi ënner Berücksichtegung vun de Bäiträg vun den Elteren, ...

D’Inklusiounskommissiounen (CI)

D’CI vum Lycée huet als Aufgab, d’Schüler an d’Elteren iwwer déi verschidde Betreiungsmoossnamen, déi ze empfeele sinn, ze informéieren a wann néideg déi jeeweils gëeegent Moossnamen, déi dem Schüler ugebuede kënne ginn, ze bestëmmen. Dës Moossname ginn dann am Schüler sengem individualiséierten (Aus-)Bildungsplang, dee vun der CI zesumme mat den Elteren ugeholl gëtt, festgehalen. D’CI suergt fir d’Ëmsetzung vum individualiséierten (Aus-)Bildungsplang an evaluéiert en all Joer, fir d’Upassunge virzehuelen, déi als néideg ugesi ginn, fir ...

D’Commission des aménagements raisonnables (CAR)

D’CAR bestëmmt, wéi eng räsonabel Amenagementer accordéiert ginn, fir d’Léierëmfeld un d’Besoine vum Schüler unzepassen, fir datt en d’Kompetenzen, déi e sech ugëeegent huet, optimal asetze kann. D’Inklusiounskommissioun (CI) vum Lycée kann heifir, mam schrëftlechen Accord vun den Elteren oder dem groussjärege Schüler, unhand vun engem Dossier eng motivéiert Demande areechen. D’Elteren an déi groussjäreg Schüler kënne sech mat hirer Demande och direkt un d’CAR wenden.

...

D’Commission nationale d’inclusion (CNI)

Zousätzlech zu de Moossnamen, déi an de Schoulen ëmgesat kënne ginn, kann d’CNI domat befaasst ginn, eng spezialiséiert ambulant Interventioun, eng spezialiséiert Scolarisatioun, eng Reeducatiouns- an Therapiemoossnam oder Ateliere fir spezifescht Léiere vun engem spezialiséierte psychopedagogesche Kompetenzzentrum ariichten ze loossen. Wann dem Schüler seng spezifesch Besoinen eng Fachbetreiung erfuerderen, déi net vun engem vun de Kompetenzzentren iwwerholl ka ginn, kann d’CNI d’Aschreiwung an enger Schoul am Ausland virschloen.

D’Inklusiounskommissiounen (CI), d’Institutiounen, déi am sozialen, familiären ...

U wie kann ee sech wenden?

Fir méi spezifesch Informatiounen iwwer déi disponibel Hëllefsmoossnamen ze kréien, kënnt Dir Iech u follgend Persounen oder Servicer wenden :

De Regent an déi aner Enseignanten aus dem Lycée
D’Ekipp fir d’Ënnerstëtzung vu Schüler mat spezifesche Besoinen (ESEB) vum Lycée
D’Inklusiounskommissioun (CI) vum Lycée

Kaart

D’Direktioun vum Lycée
De Service national de l’éducation inclusive (SNEI)

Kontaktformulaire